Գիտություն

Reprogrammed the Havana International Book Fair

Երեքշաբթի, Նոյեմբերի 28, 2023
Reprogrammed the Havana International Book Fair

Changed the date of the Havana International Book Fair According with the website Cubadebate, the date of the International party of the book in Cuba, scheduled to next year's February...

Ֆրանսիայի կոմկուսը կոչ է արել երկրի իշխանություններին ճանաչել Արցախի անկախությունը

02 Նոյեմբերի 2019

ՓԱՐԻԶ, 1 ՆՈՅԵՄԲԵՐԻ: Ֆրանսիայի կոմունիստական կուսակցությունը կոչ է արել երկրի իշխանություններին ճանաչել Արցախի անկախությունը: «Արմենպրես»-ի հաղորդմամբ՝ այս մասին հայտնում է կուսակցության պաշտոնական կայքը:

«Ֆրանսիայի կոմունիստական կուսակցությունը վճռականորեն կոչ է անում հանրապետության նախագահին հաշվի առնել այն ժողովրդավարական գործընթացը, որով Լեռնային Ղարաբաղի ժողովուրդը հռչակել է հանրապետությունը: ՖԿԿ-ն նաև հորդորում է Ֆրանսիայի կառավարությանը՝ գործել որքան հնարավոր է արագ, որպեսզի Եվրամիության արտաքին գործերի և անվտանգության քաղաքականության հարցերով գլխավոր հանձնակատար Ֆեդերիկա Մոգերինին ճանաչման հարցը բարձրացնի միջազգային հանրության առջև՝ հասնելու բազմակողմ ճանաչման: Նա պետք է կարողանա միջազգային պաշտպանություն ապահովել Լեռնային Ղարաբաղի ժողովրդի համար, որին ցեղասպանության վտանգ է սպառնում»,-նշում են քաղաքական ուժի կայքում:

Կոմկուսն իր հաղորդագրությունը վերնագրել է «Լեռնային Ղարաբաղի ժողովրդի պաշտպանության ապահովումը Հարավային Կովկասում խաղաղության կառուցման հիմքն է» և դրանում խոսել նաև ադրբեջանական ագրեսիայի, 2016թ. ապրիլյան պատերազմի ու հարձակման մասին՝ նշելով, որ Ադրբեջանը միշտ էլ հավակնություն է ունեցել մի տարածքի նկատմամբ, որում ապրում ու իրենց ապագան կերտում են հայերը: «Հայ ժողովուրդը հսկայական զոհողությունների գնով ցույց է տվել ազատության և ժողովրդավարության հանդեպ իր նվիրվածությունը: Ֆրանսիացիներն ու հայերը ունեն բարեկամության և համերաշխության երկար ավանդույթ»,-նշում են Կոմկուսում:

Ֆրանսիայի կոմունիստական կուսակցությունը երկրի Ազգային ժողովում և Սենատում 12-ական տեղ ունի: 

 

Աղբյուր՝ Արմենպրես լրատվական

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆԸ