Մեր երկրում անարդարությունների բախվում ենք բոլոր բնագավառներում՝ տնտեսական, սոցիալական, քաղաքական, բարոյական և այսպես շարունակ։ Այսօր բարոյական պայքարի են դուրս եկել մարդիկ, ովքեր ամենաարժանին են արժանավայել կյանքով ապրելու համար՝ մեր երկրի պաշտպանները՝ ազատամարտիկները։ Նրանք անարդարության ճիրաններից փրկել են ուզում մի մարդու, ով երկիրն է փրկել ոչնչացումից։ «Ի պաշտպանություն Վոլոդյա Ավետիսյանի» քաղաքացիական նախաձեռնությունը հուլիսի 25-ից Ազատության հրապարակում շարունակում է նստացույց անցկացնել: Նախաձեռնության հանձնախմբի անդամ Գագիկ Սարուխանյանն այսպես ներկայացրեց նստացույցի ընթացքը․«Հնարավոր է այսօր հիմնավորենք, որ արդեն հասել ենք նպատակին, կամ նստացույցը շարունակելու իմաստ չունի և դադարեցնենք, սակայն հնարավոր է, որ դեռ երկար նստենք: Ամեն երեկո մենք հանդիպում ենք, քննարկումներ ենք անում, բայց դեռ…

Վենետիկի հանձնաժողովը քննարկել է սահմանադրական փոփոխությունները և ներկայացրել է իր կարծիքն ու առաջարկները 1-7 գլուխների վերաբերյալ։ Առաջարկների թվում է վերացնել երկրորդ փուլի անցկացման հնարավորությունը ամենաշատ քվեները ստացած երկու կուսակցությունների միջև: Դատական համակարգում հանձնաժողովն անթույլատրելի է համարում դատավորների և վճռաբեկ դատարանի նախագահների նշանակման և աշխատանքից հեռացման հարցում քաղաքական մարմնի միջամտությունը: Վենետիկի հանձնաժողովը առաջարկում է Հայաստանի իշխանություններին շարունակել քննարկումները բոլոր քաղաքական ուժերի և քաղաքացիական հասարակության հետ՝ պարզաբանելու թյուրըմբռնումները և բարեփոխումների օգտին հնարավորինս լայն աջակցություն ապահովելու համար: Հայ ազգային կոնգրեսի ներկայացուցիչ Վլադիմիր Կարապետյանն գտնում է, որ լայն կոնսոլիդացիա, ինչը կարևորում է Վենետիկի հանձնաժողովը, գոյություն չունի։

Հայ գործարար, ազգային գործիչ և հայրենիքի մեծ նվիրյալ Լևոն Հայրապետյանի դեմ խարդախության գործով ներկայացված մեղադրական եզրակացությունը չի հաստատել դատախազությունը: Այս մասին հաղորդում է ՏԱՍՍ գործակալությունը, վկայակոչելով Հայրապետյանի փաստաբան Ռուբեն Մարգարյանին: Փաստաբանը նշել է, որ խարդախության մեղադրանքը հիմնված է եղել Բաշկիրիայի նախկին սենատոր Իգոր Իզմեստևի մոր ցուցմունքի վրա։ Լևոն Հայրապետյանին մեղադրանք էր ներկայացվում, իբր նա Իզմեստևից խարդախությամբ 700 հազար դոլար է հափշտակել։ «Դատախազը հաղորդել է, որ խարդախության մեղադրանքով Հայրապետյանի դեմ հարուցված գործը վերադարձվել է քննչական կոմիտե առանց հաստատման՝ ապացույցների անբավարարության հիմքով», - ասել է փաստաբանը:

Վերջին օրերին հայ-ադրբեջնական շփման գոտում կրակի դադարեցման ռեժիմը մի քանի անգամ խախտվել է։ ԼՂՀ ՊԲ-ը հայտատարարել է 140 կրակոցի, իսկ Ադրբեջանի ՊՆ-ն՝ 91 կրակոցի մասին։ ԼՂՀ-ից ստացած տվյալների համաձայն, հրադադարը խախտել են ադրբեջանական զինծառայողները, որոնք հայկական դիրքերի ուղղությամբ տարբեր տրամաչափի զենքերից, այդ թվում՝ նռնականետերից ու ականանետերից արձակել են ավելի քան 2500 կրակոց։ ԼՂՀ ՊԲ առաջավոր ստորաբաժանումները վերահսկում են օպերատիվ իրավիճակը և շարունակում են հաստատակամորեն պաշտպանել մարտական դիրքերը, ասվում է ԼՂՀ ՊԲ-ի հաղորդագրության մեջ։ Սակայն այսօր ադրբեջանական կողմն, իր հերթին, հայտարարել է, որ հրադադարի ռեժիմը խախտել է հայկական կողմը։ Ադրբեջանի զինծառայողները գրանցել են հրետակոծություն Ղազախի շրջանի Գայմաղլու գյուղի տարածքում տեղակայված իրենց…

20 Յուլիսին Ուրֆայի Սուրուչ գաւառին մէջ տեղի ունեցած կոտորածը անգամ մը եւս կ՚ապացուցէ, թէ վայրագ թակարդներու լուծը դեռ շատ պիտի ցաւցնէ մեր սիրտերը։ Պիտի ցաւեցնէ՝ քանի որ ՏԱԻՇ-ի անդամակցելու ցանկութիւն ունեցողներու թիւը շատ աւելի բարձր է ԵՓԿ/ԵՓԺ-ի զօրակցութեան փութացողներէն։ Առայժմ արիւնարբու ոճիրները աւելի մեծ ձգողութիւն ունին, քան Ռոժավայի յեղափոխութիւնը։ Քանդելը աւելի ձեռնտու է, քան շինելը։ Նոյնիսկ չափազանցութիւն ըրած չենք ըլլար, եթէ ըսենք՝ ոմանց համար մահն աւելի հրապուրիչ է, քան կեանքը։ Ուրեմն՝ հակադրութիւնը յստակօրէն չարի ու բարիի միջեւ է։ Սպանողը չարը կը ներկայացնէ, զոհուածը բարին։ Սուրուչ աւանի մէջ մահացող 32 երիտասարդները աւերուած Քոպանին վերակերտելու, քաղաքը պատած պատերազմի փոշին սրբելու համար մէկտեղուած…

«Ազգ» հասկացողության զարգացումն ու ձևավորումը սկսվել է 18-րդ դարի վերջին՝ 1770 թ. մոդեռնացման ժամանակահատվածում: Մոդեռնացման հեղափոխությունը հայտնի է երեք հատկանիշներով՝ 1. «Ազգային իշխանություն» (nation state) քաղաքական մակարդակով․ 2. «Քաղաքական ուժի տեղափոխում և փոփոխություն»՝ դեմոկրատական ուժերի ձևավորմամբ․ 3. «Ազգ»-ի առաջացումը՝ որպես հիմք հասարակական նոր փոփոխությունների կայունացման, մշակութային ու քաղաքական տեսանկյունից: Նացիոնալիզմը իր պահպանման համար կարիք ունի «պատմական հիշողության» կամ ընդհանուր պատմության ստեղծման, որն իրականանում է անցյալի որոշ տարրերի միջոցով, օրինակ՝ «ազգային երկիր» կամ ավելի վաղ հիշողության մեջ՝ «պապենական երկիր», որը մշտապես զուգորդվում է պապենական առասպելներով, որոնք դառնում են հարմար զենք այդ գաղափարախոսությունը տարածողների ձեռքում: Ընդհանուր լեզուն և դրա ստանդարտացումը անհրաժեշտություն է…

Կան հավերժական թեմաներ, որոնք ընդհանուր են բոլոր ժողովուրդների համար. կարոտ, սեր, բնություն, հայրենիք… Սակայն, սրանցից բացի, յուրաքանչյուր ժողովուրդ ունի իր հավերժական թեմաները: Հույնը միշտ գրել և գրում է Աքիլլեսի և Ալեքսանդր Մակեդոնացու մասին, իտալացին՝ Գարիբալդիի, ռուսը՝ Կուտուզովի և Սուվորովի, ֆրանսիացին՝ Ժաննա դ’Արկի և այլն: Մեզ՝ հայերիս համար այդպիսի մի հավերժական թեմա է Անդրանիկը: Մեր իրականության մեջ թերևս ոչ մեկի և ոչ մի բանի մասին այդքան չի գրվել ու խոսվել, որքան նրա: Անդրանիկի թիկնապահ-քարտուղար Վահան Թոթովենցը այս առիթով նկատել է. <<Մեր գրականության մեջ միայն մեկ բան Անդրանիկի համահավասար երգված է, այդ բանը արյունն է>>[1]: Այս տողերը Թոթովենցը գրել է շուրջ հարյուր…