Հանդիպել են Հալետ Մշաալը և Սերգեյ Լավրովը

Ռուսաստանի արտաքին գործերի նախարար Սերգեյ Լավրովը հանդիպել է Համասի քաղաքական գրասենյակի ղեկավար Հալետ Մշաալի հետ։ Ռուսական ԶԼՄ-երը գրում են, որ Լավրովը պետք է հանդիպի նաև սիրիացի ընդդիմադիրների և Քաթարի իշխանի հետ։ Նախապես Մոսկվան հայտարարել էր, որ սիրիական ընդդիմությանը տրամադրված ամերիկյան օդային օժանդակությունը կարող է վտանգել Տաեշի դեմ կռվելու Սիրիայի կառավարության ջանքերը։ Իսկ Թուրքիայի նախագահ Ռեջեբ Թայիբ Էրդողանը հայտարարել է, որ Ռուսաստանի նախագահ Վ․Պուտինն արդեն հրաժարվում է սիրիացի իր պաշտոնակից Բաշար Ասադից։ Էրդողանի խոսքերի համաձայն, Պուտինը չի պնդել, թե մինչև վերջ պիտի կանգնի Դամասկոսի իշխանությունների կողքին և արդեն փորձում է հրաժարվել Ասադից։ 
Անցյալ ամիս, երբ Ռեջեբ Թայիբ Էրդողանը խորհրդարանական ընտրություններում չհավաքեց մեծամասնության ձայնը, հանկարծ հիշեց, որ իր հարևան երկրում գործում են վտանգավոր ահաբեկիչներ, որոնք իր երկրի անվտանգությունը հարցականի տակ են դրել: Ճակատագրի հեգնանքով, դրանք հենց նույն ահաբեկիչներն են, որոնց զինում և օգնություն էր ցուցաբերում Անկարան, որպեսզի ներթափանցեն Սիրիա։ Նրանց վիրավորները նույնպես բուժվում էին Թուրքիայի հիվանդանոցներում: Վերջին մի քանի տարվա ընթացքում, մոտավոր հաշվարկներով 25000 արտասահմանցի և 1000 թուրք դաեշական Թուրքիայի սահմանից անցել են դեպի Սիրիա՝ Բաշար Ասադի իշխանությունը տապալելու նպատակով: Անցյալ շաբաթ մի թուրք զինվորի մահվան պատրվակով, որը սպանվել էր Սիրիայի սահմանից կրակելու պատճառով, Էրդողանը Սիրիայի ու Իրաքի հյուսիսային շրջանների վրա ռմբակոծության և…
Լիբանանի օդերևութաբանական ծառայությունները նշել են, որ ջերմաստիճանը համեմատաբար բարձր է լինելու մինչև հինգշաբթի։ Ծովեզրյա շրջաններում ջերմաստիճանը կարող է հասնել մինչև 33-ի իսկ Բեքաայում՝ մինչև 40-ի։ Ակնկալվում է, որ անձրև է տեղալու որոշ գյուղական շրջաններում։ Այս պայմաններում էլեկտրականության և ջրամատակարարման ընդհատումներին զուգահեռ աղբակույտերի առաջացրած տագնապի պատճառով Շհիմ շրջանի բնակիչները Շուֆում տանող ճանապարհները փակել են, որպեսզի քաղաքի իշխանությունները միջամտեն և վերացնեն կուտակված աղբը։ Բնապահպանության նախարար Մուհամմադ Մաշնուքը հանդիպել է Բեյրութի երեսփոխանների հետ՝ քննարկելու համար Բեյրութից աղբը մաքրելու մասին թղթապանակը։ Մինչ այդ, ուժային կառույցները զգուշացրել էին քաղաքային իշխանություններին աղբն անկանոն թափելու վտանգավորության ու դրա հետևանքների մասին։ Ըստ ուժայինների, անհրաժեշտ է ուշադիր ընտրել աղբ…

Ջոն Քերրիի և Աբդել Ֆաթահ Սիսիի հանդիպումը

Միացյալ նահանգների քարտուղար Ջոն Քերրին Կահիրեում հանդիպել է եգիպտացի իր պաշտոնակցին և նախագահ Աբդել Ֆաթահ Սիսիի հետ։ Քերին հայտարարել է, որ երկու երկրների միջև պիտի հաստատվի ռազմավարական համագործակցություն։ Նրա խոսքով, Եգիպտոսը շատ սուղ է վճարել ահաբեկչության դեմ պայքարի գինը։ Քերրին նշել է, որ իրենք քննարկել են Իսլամական պետություն կազմակերպության վտանգը և հույս է հայտնել, որ ռազմավարական երկխոսությունը կզարգացնի երկու երկրների միջև հարաբերություններն ու լուծումներ կգտնի տարածաշրջանի տագնապների դեմ։ Նշենք, որ Ջոն Քերրին այցելել է նաև տարածաշրջանի մի շարք երկրներ։
ՀՀ կենտրոնական ընտրական հանձնաժողովն օգոստոսի 4-ին, գումարել է հերթական նիստ, որի ընթացքում էլեկտրոնային վիճակահանությամբ իրականացվել է 2015 թվականի սեպտեմբերի 13-ին թվով 22 համայնքներում կայանալիք տեղական ինքնակառավարման մարմինների հերթական ընտրությունների տեղամասային ընտրական հանձնաժողովների նախագահների և քարտուղարների պաշտոնների բաշխումը` Ազգային ժողովում խմբակցություն ունեցող կուսակցությունների, կուսակցությունների դաշինքի միջև: Տեղամասային ընտրական հանձնաժողովների նախագահների և քարտուղարների պաշտոնները բաշխվել են հետևյալ համամասնությամբ` Հայաստանի Հանրապետական կուսակցություն (ՀՀԿ)` 14-ական, «Բարգավաճ Հայաստան» կուսակցություն (ԲՀԿ)` 9-ական, Հայ ազգային կոնգրես կուսակցությունների դաշինք (ՀԱԿ)` 2-ական, «Հայ Յեղափոխական Դաշնակցություն» կուսակցություն (ՀՅԴ)` 2-ական, «Օրինաց Երկիր» կուսակցություն (ՕԵԿ)` 2-ական, «Ժառանգություն» կուսակցություն (ԺԿ)` 2-ական: Նիստում ՀՀ կենտրոնական ընտրական հանձնաժողովն ուժը կորցրած է ճանաչել ՀՀ հանրաքվեի կենտրոնական…

Սահմանադրության փոփոխության 1-15 գլուխները

 Սահմանադրական բարեփոխումների մասնագիտական հանձնաժողովը հրապարակել է Սահմանադրության փոփոխությունների նախագծի ևս ութ գլուխներ: Դրանք տեղադրված է ՀՀ արդարադատության պաշտոնական www.moj.am կայքում։ Հրապարակված բաժինները վերաբերում են Դատախազությանն ու քննչական մարմիններին, Մարդու իրավունքների պաշտպանին, Կենտրոնական ընտրական հանձնաժողովին, Վերահսկիչ պալատին և այլն: Ներկայացված փաստաթղթով ամբողջությամբ փոխվում է Կենտրոնական ընտրական հանձնաժողովի կազմավորման կարգը. առաջարկվում է, որ հանձնաժողովի բոլոր յոթ անդամներին՝ այդ թվում նախագահին, ընտրի Ազգային ժողովը՝ պատգամավորների ընդհանուր թվի երեք հինգերորդի ձայների մեծամասնությամբ։ Մինչդեռ այժմ յոթ անդամներին էլ նշանակում է նախագահը՝ երեքին Մարդու իրավունքների պաշտպանի, երկուսին՝ Վճռաբեկ դատարանի նախագահի, մյուս երկուսին էլ Փաստաբանների պալատի նախագահի առաջարկով: Այսօր հրապարակված նախագծով Կենտրոնական ընտրական հանձնաժողովի անդամի լիազորությունների դադարեցումը…

Թուրքիայում իրարանցումները շարունակվում են

Թուրքիայի վարչապետ Ահմադ Դավութօղլուն հայտարարել է, որ ահաբեկչական կազմակերպություններն անպատիժ չպիտի մնան, իսկ Քուրդստանի Աշխատավորական կուսակցություն կազմակերպության դեմ թուրքական հարձակումները պիտի շարունակվեն։ Վարչապետն այս կապակցությամբ նաև ուղերձ է հղել ժողովրդին։ Որոշ տեղեկությունների համաձայն, խաղաղություն և ժողովրդավարություն ծիրում թուրքական ուժերը հարվածել են երեք շրջանի։ Ըստ տեղեկությունների, 260 քուրդ զինյալներ սպանվել էին, 400 այլք վիրավորվել, մինչ թուրքական կենտրոնների վրա հարձակումները։ Արևելյան Արարատ կամ Աղրը գավառում Քուրդստանի Աշխատավորական կուսակցության զինյալներն անձնազոհության առաջին գործողությունը կատարել են՝ թիրախ դարձնելով տեղի Բայազիդ ոստիկանատունը։ Հարձակման հետևանքով սպանվել են երկու զինվոր, վիրավորվել 24 այլ անձ։ Դրանից առաջ ական էր պայթել հարավ-արևելյան Մարտինի շրջանում, որի հետևանքով զինվոր էր մահացել։…

Բանակում ձերբակալվել է 59 անձ

Լիբանանյան բանակի ընդհանուր հրամանատարությունը հայտարարել է, որ բանակը խուզարկել է Աքքարի շրջանում տեղակայված սիրիացի գաղթականների գաղթակայանը և ձերբակալել է 59 անձի։ Այդ մարդիկ Լիբանանում էին գտնվում առանց օրինական փաստաթղթերի։ Սիրիացիների մոտ գտնվել է 25 փոխադրամիջոց, որոնց փաստաթղթերը նույնպես անօրինական էին։
Սիրիայի և Լիբանանի սահմանային Զապատանի քաղաքում զինված ուժեղ բախումները շարունակվում են մի կողմից՝ սիրիական բանակի և «Հզբոլլայի», մյուս կողմից՝ ընդդիմադիր միավորների միջև։ Բախումներին ականատես էին դարձել նաև Իտլիպի գյուղական շրջանները։ ԶԼՄ-երը նշում են, որ «Հզբոլլայի» տեղական պատասխանատուներից Մուհամադ Քասըմը սպանվել է Զապատանիում մոտ տեղի ունեցած բախումների ժամանակ։ Նա Բեքաայի Բրիթել գյուղից էր։
Ճանապարհային ոստիկանության պետը բարի հանձնարարական է տվել, որպեսզի իրավախախտում չորակեն այն արարքները, որոնց դեպքում լուսացույցի թույլատրող ազդանշանի դեպքում խաչմերուկ մուտք գործած տրանսպորտային միջոցի վարորդը հնարավորություն չունի իր նախընտրած ուղղությամբ ազատել խաչմերուկը: Ստորև ներկայացնում ենք ոստիկանության տարածած հաղորդագրությունն այդ մասին. «ՀՀ վարչապետի 2015 թ. հուլիսի 3-ի հանձնարարականի պահանջները կատարելու նպատակով 08.07.2015թ. Ճանապարհային ոստիկանության պետի կողմից տրվել է համապատասխան հանձնարարական` ճանապարհային ոստիկանության տեսանկարահանման միջոցով հայտնաբերված խախտումների արձանագրման կենտրոնի պետին, ՃՊԾ 1-ին և 2-րդ սպայական գումարտակների և ուղեկցող սպայական վաշտի հրամանատարներին առ այն, որ մինչև Վիեննայի 1968 թ. «Ճանապարհային երթևեկության մասին» կոնվենցիայի 18-րդ հոդվածի 6-րդ մասի և ՀՀ կառավարության 2007 թվականի հունիսի 28-ի…
Առաջին ատյանի դատարանը պարտավորեցրել է Երևանի Տերյան և Լալայանց փողոցների վթարային ճանաչված բնակարաններից մեկի բնակչին ազատել իր բնակարանը։ Բնակիչը հայտարարել է, որ վիճարկելու է այդ որոշումը ընդհուպ Մարդու իրավունքների Եվրադատարան։ Երևանի կենտրոնում շինարարական Local Developers ընկերության ինը տարի շարունակվող պայքարի կիզակետում երեք շենք է։ Դրանք գտնվում են Երևանի կենտրոնում՝ Տերյան և Լալայանց փողոցներում։ Սեփական բնակարաններից վտարման վտանգի տակ են հայտնվել ավելի քան քսան ընտանիք, որոնք գտնում են, որ իրենց շենքերը վթարային և պետական կարիքների համար գերակա շահ ճանաչելու գործընթացում մի շարք խախտումներ են թույլ տրվել։ Հունիսի 12-ից Երևանի Հյուսիսային պողոտայում ստորագրահավաք էր սկսվել՝ ընդդեմ այդ շենքերի քանդման և այնտեղ բնակվող…