Սպիտակ տան մամլո քարտուղար Ջոշուա Էռնեստն այսօր հատարարել է, որ գաղթականների հոսքը կարող է ապակայունացնել Եվրոպան։
«Եվրոպա են գալիս մեծ թվով գաղթականներ Հյուսիսային Աֆրիկայից և Մերձավոր Արևելքի մի շարք քաղաքներից։ Այդ երևույթը բռնության և անկայունության մեծ վտանգ է պարունակում։ Այդ իրավիճակը վերացնում է կարգուկանոնը ոչ միայն Հյուսիսային Աֆրիկայի և Մերձավոր Արևելքի տարածաշրջանում, այլև անկայունության ազդեցություն է թողնում աշխարհի այլ տարածքներում, օրինակ՝ Եվրոպայում», ասել է մամլո քարտուղարը։
Մեկ օր առաջ Ավստրիայում տեղի ունեցած ողբերգությունը՝ անլեգալ փոխադրողների մեղքով 71 գաղթականի մահը, Սպիտակ տան պաշտոնյան դաժան է որակել, հաղորդում է ՏԱՍՍ-ը։
