Առողջապահության համաշխարհային կազմակերպության ղեկավար Թեդրոս Ադհանոմ Գեբրեյեսուսը ասում է, որ ՄԱԿ-ի այս կազմակերպության պաշտոնյաների վերջին երկու օրերի այցելությունները հյուսիսային Գազայի Ալ-Աուդա և Քամալ Ադվան հիվանդանոցներ ցույց են տալիս սննդի խիստ պակասը և մահացու թերսնուցումը երեխաների մոտ։

Ըստ BBC-ի, պարոն Գիբերսիուսը այս հիվանդանոցներ կատարած իր այցի արդյունքները սոցիալական ցանցերում անվանել է «սարսափելի և չարագուշակ բացահայտումներ» և գրել, որ սննդի պակասը հանգեցրել է 10 երեխայի մահվան և դրանցում «թերսնման շատ բարձր մակարդակի»:

Երկու հիվանդանոցի շենքերն ու հաստատությունները նույնպես ավերվել են իսրայելական բանակի հարձակումների ժամանակ։

Գազայի հյուսիսում այժմ ապրում է մոտ 300 հազար մարդ: Գազայի հյուսիսում սննդի և խմելու ջրի բացակայությունը վերջին օրերին օգնության կազմակերպությունների լուրջ մտահոգություններից մեկն է: Անցյալ շաբաթ ՄԱԿ-ը նախազգուշացրել էր, որ այս կազմակերպության դիտորդների դիտարկումների և զեկույցների համաձայն՝ «Գազայում սովն անխուսափելի է»։