Ռուսաստանի կողմից Հայաստանում հեղաշրջում նախապատրաստելու մասին տեղեկատվությունը կեղծ է. այս մասին ՌԻԱ Նովոստի-ին հայտնել են ՌԴ ԱԳՆ-ից։ Ավելի վաղ ՌԴ ԱԳ նախարար Սերգեյ Լավրովը հայտարարել էր, որ Հայաստանի ղեկավարների տեղեկությունները, թե իբր Ռուսաստանը հանձնել է Լեռնային Ղարաբաղը, իրականությանը չեն համապատասխանում: Մինչ այս ՌԴ ԱԳՆ-ն ծայրահեղ դժգոհություն էր հայտնել ՀՀ վարչապետ Նիկոլ Փաշինյանի՝ իտալական La Repubblica թերթին տված հարցազրույցում Ռուսաստանի մասին արված հայտարարությունների կապակցությամբ, որում Հայաստանի վարչապետը հայտարարել էր Ռուսաստանի Դաշնության՝ տարածաշրջանից հեռանալու հնարավորության մասին։ . Ռուսաստանի Դաշնությունը նշել է, որ Մոսկվան Երևանի հետ հարաբերությունները տնտեսական և անվտանգության ոլորտներում դիտարկում է որպես հավասար, փոխշահավետ և ապացուցված գործընկերություն, այլ ոչ թե որպես մի երկրի կախվածություն մյուսից։ Ամբողջական հոդվածը կարող եք կարդալ այս հասցեով՝ : https://hraparak.am/post/7f2b5e1ef9d43ece790942d6dab999df © 2008 - 2021 «Հրապարակ օրաթերթ»