Հայ Ձախ Ֆորումը ողջունում է ԱՄՆ-ի նախագահ Ջորջ Բայդենի Հայոց Ցեղասպանության ճանաչումը, նա՝ հակառակ նախկին նախագահների, խիզախություն ունեցավ օգտագործել ցեղասպանություն բառը և դրանով իսկ ճիշտ բնորոշել 106 տարի առաջ Թուրքիայի կողմից հայերի դեմ կազմակերպված ոճրագործությունը։
Դժբախտաբար Թուրքիայի իշխանությունը դեռ շարունակում է պահպանել իր ցեղսպան լինելու միտումները և դրա վառ օրինակն էր Արցախի դեմ վերջերս սանձազերծած պատերազմը, այն վայրենական արարքները իրենց Թուրքիայի գլխավորությամբ և թուրք, իսլամիստ ջհադիստ վարձկալների ու իրենց եղբայր ադրբեջանցիների (մեծ մասամբ զինվորակաների) կողմից։ Թրքական այդ ուժերի մոտ խորը ատելություն է ձևավորել հայ ժողովրդի հանդեպ, որի վառ ապացույցն էր 1915-ին իրագործած հայոց ցեղասպանությունը։ Նման մոտեցումները բխում են Թուրքիայի պանթուրքիստական քաղաքականությունից և որը դեռ շարունակվում է մինչ օրս։ Պանթուրքիստական քաղաքականությունը ընդարձակելու նպատակով նրանք դեռ ախոռժակ ունեն Զանգեզուրից մի ճանապարհ բացել դեպի Նախիջևան, որպեսզի թրքական ու ադրբեջանական շրջանների կապը ավելի ամուր լինի։
Միջազգային հանրությունը եթե 1915 թվականին անտարբեր չմնար ու Թուրքիայի դեմն առներ, գուցե հնարավոր լիներ կանխել Հայոց Ցեղասպանությունը և հաջորդող մյուս ցեղասպանությունները՝ տարբեր ազգերի և ժողովուրդների նկատմամբ։
Թե եղեռնի ժամանակ և թե Արցախի դեմ սանձազերծված պատերազմի ընթացքում միջազգային հանրության հանցագործ լռությունը հող է պատրաստելու ոչ հեռու ապագայում Թուրքիայի և Ադրբեջանի կողմից հայության դեմ կրկին նորանոր ագրեսիաների:
Հայ Ձախ Ֆորումը ողջունում է Միացյալ Նահանգների Նախագահ Ջո Բայդենի կողմից 1915 թվականին հայության դեմ իրականացրած ջարդերը ցեղասպանություն որակավորելը: Այն ակնկալիքն ունենք, որ դեռ շատ երկիրներ հետեվելու են Բայդենի որակավորմանը:
Հայ Ձախ Ֆորումը կոչ է անում համայն հայությանը՝ չընկճվել վերջին պատերազմի արդյունքներից և շարունակել միասնաբար պայքարել միջազգային հանրությանը, տարբեր պետություններին ու ժողովուրդներին համոզել, որ անհրաժեշտ է դատապարտել Արցախի դեմ սանձազերծած թուրք ադրբեջանական ագրեսիան: Միավորվել Արցախն Հայաստանին միանալու գաղափարի շուրջ և այդ նպատակին հասնելու ուղղությամբ պայքարը շարունակել։
Հայ Ձախ Ֆորում, Երևան, 30 Ապրիլ, 2021 թ․

https://www.youtube.com/channel/UCAulop3vJEQFKIQ34kpslCA

Այս տարի յուրահատուկ պայմաններում է հայ ժողովուրդը նշելու Հայոց Ցեղասպանության զոհվածների ոգեկոչման միջոցառումները։ Կորոնավիրուսի հիվանդությանը և պատերազմի հետևանքներին ընդիմանալը, դրանց դեմ պայքար ծավալելը և ՀՀ Ազգային Ժողովի արտահերթ ընտրությունները յուրահատուկ իրավիճակ են ստեղծել Հայաստանում։ Հայ ժողովուրդը չի ընկճվելու և այնքան ուժ և փորձ ունի, որ կարողանալու է հաղթահարել բոլոր այս դժվարությունները։
Ինչպես Հրանդ Դինքն է շեշտում, մենք էլ գտնում ենք, որ առաջնահերթությունը այն է, որ Թուրքիան ճանաչի իր իրական պատմությունը և հասկանա, թե ինչ է պատահել հայ ժողովրդի հետ Արևմտյան Հայաստանում։ Պետք է Թուրքիան առնչվի իրական պատմության հետ, դա կնպաստի երկու ժողովուրդների հետագա հաշտ ու խաղաղ համակեցությանը։ Հայերս տարբեր եղանակներով պետք է նպաստենք դրան։ Մյուս երկրների կողմից Հայոց Ցեղասպանության ճանաչումը իրենց խղճի հարցն է, սակայն կարևորը Թուրքիայի ճանաչումն է։ Թուրքիան պետք է վերադարձնի թրքահայերին պատկանող բոլոր կալվածները, վերացնի բոլոր սահմանափակումները հայերի կրթական և մշակութային զարգացման բնագավառներում։ Փոխադարձ համաձայնությամբ Թուրքիան պետք է փոխհատուցի իրագործած ցեղասպանության համար։ Փոխհատուցումը կարող է լինել տնտեսական, հնարավոորւթյուն ստեղծի Հայաստանի Հանրապետության համար ազատ ճանապարհ ունենալ դեպի սև ծով։
Թուրքիայում պետք է թուրք ժողովրդի մոտ վերոհիշյալ հանրային կարծիքը ձևավորվի, դա բավականին դժվար մի գործընթաց է, սակայն դա է միայն տրամաբանական ուղին։
Կոչ ենք անում աշխարհասփյուռ հայությանը չընկճվել Արցախի դեմ թուրք-ադրբեջանական սանձազերծված վերջին պատերազմից և տնտեսապես ու ռազմապես ավելի հզորանալով քայլել դեպի առաջ։
Հայ Ձախ Ֆորումը իր հարգանքի տուրքն է մատուցում և խոնարհվում է մեր բոլոր զոհերի առջև։ Մենք մեր կարողությունների չափով կաշխատենք նպաստել Հայոց Ցեղասպանության ճանաչմանը՝ հատկապես Թուրքիայում և թուրք ժողովրդի կողմից։ Պետք է մեր կապերը սերտացնենք Թուրքիայում առողջ և ողջամիտ ուժերի հետ և տարբեր միջոցներով սովորական ժողովրդի գիտակցության մեջ հասանելի դարձնել այն իրողությունն ու փաստը, որ այս անհերքելի դառը պատմությունը տեղի է ունեցել Թուրքիայում, և նրանք լավ ապագայի համար հարկավոր է, որ ճանաչեն իրենց երկրում տեղի ունեցածը՝ հայերի ցեղասպանությունը։
Հայ Ձախ Ֆորում, Երևան, 23 Ապրիլ, 2021 թ․

https://www.youtube.com/channel/UCAulop3vJEQFKIQ34kpslCA

https://www.youtube.com/channel/UCAulop3vJEQFKIQ34kpslCA