Հանրապետության հրապարակում արդեն մեկ շաբաթ շուրջօրյա նստացույց անցկացնող «Ոտքի՛, Հայաստան» շարժումը քաղաքացիական անհնազանդության նոր ակցիաներ է նախապատրաստում, շարժումն արդեն ավելացրել է իր պահանջները։

«Հանրային ծառայությունները կարգավորող հանձնաժողովի հրաժարականն ենք պահանջում, քանի որ տարիներ շարունակ այդ հանձնաժողովը ցույց է տվել, որ ժողովրդի շահը չի սպասարկում», ասել է նախաձեռնության անդամ Դավիթ Սանասարյանը։

Բացի հրաժարականներից՝ շարժումը պահանջում է նաև ազգայնացնել «Հայկական էլեկտրական ցանցերը»։ Պատասխանելու են Որոտանի կասկադի վաճառքի գումարով հոսանքի սուբսիդավորման մասին վարչապետի հայտարարությանը։ Սպասում են կառավարության համապատասխան որոշմանը։