Հայոց ցեղասպանության մասին հույն պատմաբանի գիրքը

04 Օգոստոսի 2015

Հույն պատմաբան Թեոֆանես Մալգիտիսը «Հայաստան, հայեր, արդարացում» աշխատության մեջ անդրադարձել է Օսմանյան կայսրության  մեջ  100 տարի առաջ հայերի, հույների, ասորիների ցեղասպանությանն ու շեշտել է, որ այսօր ևս Թուրքիան շարունակում է ցեղասպանություն իրականացնել  իր երկրում ապրող ազգային փոքրամասնությունների հանդեպ։

Գիրքը լույս է տեսել Հայոց ցեղասպանության 100-րդ տարելիցի միջոցառումները համակարգող Հունաստանի հանձնախմբի աջակցությամբ։ Գրքում դրվագներ են թուրքերի վայրագությունների մասին, զետեղված են փաստաթղթեր, վկայություններ և լուսանկարներ։

100 տարի անցել է, սակայն Թուրքիան իր սկզբունքներն ու գործելաոճը չի փոխել, ասել է պատմաբանը։ «Ժամանակի ընթացքում ես հասկացա, թե ինչ շնորհակալ ու երախտապարտ եմ հայ ժողովրդին։ Նրանց շնորհիվ է, որ այսօր աշխարհում ավելի շատ են խոսում ցեղասպանությունների կանխարգելման մասին։ Մեծ է նրանց ներդրումը համաշխարհային առաջնորդների գիտակցության մեջ փոփոխություններ մտցնելու և ցեղասպանությունների դեմ ազնիվ պայքար մղելու հարցում», հայտարարել է Թեոֆանես Մալգիտիսը։   

 

 

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆԸ