Գերմանիայի պաշտպանության նախարար Ուրսուլա Ուրսուլա ֆոն դեր Լյայենը քննադատել է թուրքական օդուժի հարվածները Քուրդստանի Աշխատավորական կուսակցության կառույցների ուղղությամբ։ Նախարարն իր հարցազրույցի ընթացքում ընդգծել է, որ «Թուրքիան իրավունք ունի պաշտպանվելու ԻՊ ահաբեկչական խմբավորումից, սակայն շատ կարևոր է Քուրդստանի Աշխատավորական կուսակցության հետ հաշտեցման ուղով շարժվելը»։ Նախարարը մինչ այդ ԻՊ դեմ պայքարում Անկարային աջակցելու մասին ելույթներ էր ունեցել, սակայն լռում էր քրդերի դեմ հարվածներ հասցնելու մասին։ Այդ առիթով Իրաքի Քուրդստանի Ինքնավար Մարզի ղեկավար Մասուդ Բարզանին հեռախոսազրույց է ունեցել Թուրքիայի վարչապետի հետ և մտահոգություն է հայտնել Թուրքիայի կառավարության և ՔԱԿ-ի միջև գոյություն ունեցող լարվածության առիթով։ Նա նշել է, որ նախընտրելի է՝ կողմերը բանակցեն, այլ…

Մարոնիների պատրիարք Բշարա Ռայը մտահոգություն է հայտնել, որ Լիբանանում պառակտումը վտանգավոր սահմանի է հասել, նշելով, որ այս երևույթն անընդունելի է և անհանդուրժելի կենսական, օրինական և ժողովրդավարական բոլոր կանոնների տեսանկյունից։ Նա կոչ է արել լրջորեն վերաբերվել շուրջ մեկ տարի և երկու ամիս թափուր մնացած նախագահի աթոռի հանգամանքին։ «Այս իրավիճակն ինքնին քաոսի տարածման գլխավոր դրդապատճառն է, հատկապես օրենսդրական և կառավարական կառույցներում։ Այս է պատճառը, որ թերանում ենք աղբահանման և առողջապահական, նաև կենսոլորտի պահպանման հարցերում։ Սա ամոթալի է, իսկ մենք ամաչելու փոխարեն կառչած ենք մնացել անհատական և հատվածական շահերից, որի հետևում միայն գծուծ հաշիվներ են», ասել է պատրիարքը։ Նա նաև նշել է, որ…

Ադրբեջանի ազգային անվտանգության նախկին նախարար Նարման Իմրանովը եւ երկրորդ դասի պետական խորհրդական, Ռուսաստանի արդարադատության նախարարության նախկին աշխատակից Իլգար Գասըմովը հասարակական ու քաղաքական գործիչներից բաղկացած նախաձեռնողական խմբի հետ միաին հայտարարել են Ադրբեջանում Եվրասիական շարժում ստեղծելու մասին, հաղորդում է Արմենպրեսը: Նարիման Իմրանովի եւ Իլգար Գասըմովի գլխավոր նպատակը Ադրբեջանում Եվրասիական տնտեսական միության հայեցակարգի հանրայնացումն է: Նախաձեռնող խումբը շարժման պաշտոնապես գրանցման համար օրերս դիմել է Ադրբեջանի արդարադատության նախարարություն: Նախկին ԽՍՀՄ պետանվտանգության սպա Նարման Իմրանովը 1993-1994 թթ․ ղեկավարել է Ադրբեջանի ազգային անվտանգության նախարարությունը: Նարիման Իմրանովը մեղադրվել է պետական դավաճանության մեջ եւ Ադրբեջանի Գերագույն դատարանի ռազմական կոլեգիայի 1996 թ․ փետրվարի 12-ի որոշմամբ դատապարտվել է մահապատժի: Ադրբեջանում…

Իրանը ծրագրում է երկու ատոմային էլեկտրակայան կառուցել երկրի հարավում, հայտարարել է Իրանի ատոմային էներգիայի կազմակերպության նախագահ Ալի Աքբար Սալեհին, տեղեկացնում է «Արմենպրես»-ը: Բուշիրի հարավային նահանգում էլեկտրակայանների կառուցման նախագիծը նախատեսված է երեք - չորս տարվա համար, դրա արժեքը կազմում է շուրջ 10 միլիարդ դոլար, շուրջ 15 հազար տեխնիկ-մասնագետներ կներգրավվեն աշխատանքում, ասել է Սալեհը: Ավելի վաղ հաղորդվել է, որ Չինաստանը եւ Իրանը համաձայնություն են ձեռք բերել Իրանի հարավի Մաքրանի ափամերձ գոտում երկու նոր ատոմային կայանների կառուցման շուրջը։

Ատրպատականի Սուրբ Թադեի եկեղեցում եռօրյա ուխտագնացության ավարտին հազարավոր ուխտավորների մասնակցությամբ օրհնվել է Հայաստանում օգոստոսին անցկացվելիք Համահայկական ամառային խաղերի ջահը: Ինչպես հաղորդում է «Ալիք» թերթը, ջահը վառելու եւ օրհնելու արարողությանը մասնակցել են Հայաստանի եւ Իրանի պետական այրեր, իրանահայ երեք թեմերի ազգային իշխանությունների ներկայացուցիչներ: Իրանահայերն ամեն տարի եռօրյա ուխտագնացություն են կազմակերպում դեպի Ատրպատականի Սուրբ Թադեի եկեղեցի՝ ի հիշատակ Սուրբ Թադեոս առաքյալի: Այս տարվա ուխտագնացությունն իրանահայերը նվիրել են Հայոց ցեղասպանության 100-րդ տարելիցին: Եռօրյա ուխտագնացության ժամանակ եկեղեցում ցուցադրվել է «Սասունցի Դավիթ» երաժշտական թատերական ներկայացումը: Ուխտագնացության շրջանակում հուլիսի 24-ին մատուցվել է պատարագ եւ կատարվել ջրօրհնեքի արարողություն:

Այսօր՝ հուլիսի 27-ին, տեղական ժամանակով ժամը 10.58-ին (Գրինվիչի ժամանակով` 06.58-ին) ՀՀ ՏԿԱԻՆ Սեյսմիկ պաշտպանության ծառայության սեյսմոլոգիական ցանցը գրանցել է հյուսիսային լայնության 41.670 և արևելյան երկայնության 44.890 աշխարհագրական կոորդինատներով (Վրաստան, Ռուսթավի), օջախի 10 կմ խորությամբ և 4 մագնիտուդով երկրաշարժ: Ստորգետնյա ցնցման ուժգնությունը էպիկենտրոնում կազմել է 5-6 բալ: Երկրաշարժը զգացվել է Ստեփանավանում` 3-4, Նոյեմբերյանում` 4-5, Կողբում` 4, Կոթիում` 3 բալ ուժգնությամբ:

2015 թվականից ԵՏՄ-ին միանալու կապակցությամբ մասնավորապես Միության անդամ երկրներից ավտոտրանսպորտային միջոցների ներմուծման դեպքում մաքսատուրքեր չեն կիրառվում. «Խոսքը վերաբերում է ոչ միայն ԵՏՄ տարածքում ամբողջությամբ արտադրված ավտոմեքենաներին, այլև ԵՏՄ-ում ձեռքբերված տարբեր երկրների արտադրության և մակնիշների մեքենաներին, որոնք օրենսդրությամբ սահմանված կարգով ստացել են Միության ապրանքի կարգավիճակ»,- տեղեկացնում է մաքսատան պետ Բաբկեն Ղազարյանը: ԵՏՄ անդամ երկրներում հաշվառումից հանած ավտոմեքենաները Լարս անցակետում պարտադիր տրվող տրանզիտ հայտարարագրի հիման վրա ՀՀ տարածք մուտք գործելուց հետո հարկային մարմնում պետք է վճարեն ԱԱՀ-ն, ինչը նշանակում է, որ քաղաքացին ավտոմեքենայի հետ կապված որոշ գործառույթներ իրականացնելու համար պետք է տարբեր գերատեսչություններ այցելեր: Այսօր արդեն ավտոմաքսատան նախաձեռնությամբ ներդրված «մեկ պատուհան» սկզբունքի…

«Ոտքի՛, Հայաստան» նախաձեռնությունը հուլիսի 27-ին Հանրապետության հրապարակում սկսում է 72-ժամյա նստացույց` էլեկտրաէներգիայի գնի բարձրացման ՀԾԿ որոշման դեմ: Նախաձեռնությունն այդ մասին տարածել է հայտարարություն: «Նստացույցի նպատակը Սերժ Սարգսյանի հունիսի 27-ի ելույթից անցել է 1 ամիս, սակայն էլեկտրաէներգիայի սակագնի բարձրացման դեմ քաղաքացիների կողմից բողոք առաջացրած հարցը առ այսօր որեւէ կարգավորում չի ստացել: Մասնավորապես. 1. Միջկառավարական հանձնաժողովի հանդիպման ժամանակ ձեռքբերված պայմանավորվածությունը՝ ներգրավել միջազգային աուդիտորական ընկերություն՝ ՀԵՑ-ի բոլոր տարիների գործունեությունը ստուգելու համար, չի մեկնարկել: 2. Բարձրացված սակագնի հիմնավոր լինելը ստուգելու համար միջազգային խորհրդատվական ընկերություն առ այսօր չի ընտրվել: Միայն այսօր ՀԾԿՀ-ն ընդունեց որոշում՝ այդ ուղղությամբ ձեռնարկել քայլեր, որոնց ապագան մշուշոտ է: Բացի այդ, ՀԾԿՀ-ն…

ՀՀ քննչական կոմիտեի հատկապես կարևոր գործերի քննության գլխավոր վարչության վարույթում քննվող քրեական գործով այսօր մեղադրանք է առաջադրվել հուլիսի 25-ին ձերբակալված Տիգրան Խաչատրյանին: Նախաքննության ընթացքում ձեռնարկված քննչական և դատավարական գործողությունների արդյունքում ապացույցներ են ձեռք բերվել առ այն, որ Տ.Խաչատրյանը Գորիսի «Սդղի գյոլ» կոչվող տարածքում մայիսի 2-ին տեղի ունեցած վիճաբանության ժամանակ բռնություն է գործադրել Հարություն Զաքարյանի նկատմամբ` վերջինիս առողջությանը պատճառելով ծանր մարմնական վնաս: Ապացույցների համակցությամբ` Տ.Խաչատրյանին մեղադրանք է առաջադրվել ՀՀ քրեական օրենսգրքի 112-րդ հոդվածի 1-ին մասով: Նույն օրը քննիչը միջնորդություն է ներկայացրել դատարան` նրա նկատմամբ որպես խափանման միջոց կալանավորումը կիրառելու վերաբերյալ: Նախաքննությունը շարունակվում է: Հաշվի առնելով քրեական գործի հասարակական մեծ հնչեղությունը` քննության…