Վրաստանում կրկին կրճատել են հայոց լեզվի դասաժամերը

06 Հոկտեմբերի 2015

2015-2016 ուստարվա համար Վրաստանի կրթության և գիտության նախարարության կազմած ուսումնական ծրագիրը նախատեսում է հայոց լեզվի դասաժամերը կես ժամով կրճատել։

Ջավախքի հանրակրթական դպրոցների 10-րդ և 11-րդ դասարաններում նախկին շաբաթական 5 ժամվա փոխարեն, այսուհետև ուսուցանվելու է 4,5 ժամ։

«Ցավոտ հարց է։ Կրճատեցին մեր մայրենիի դասաժամերը։ Հայերենը բարդ լեզու է, բարձր դասարանների ծրագիրը բավական ծավալուն է, արդեն նախորդ կրճատումից հետո դժվարանում էինք ամբողջ նյութը փոխանցել աշակերտին», հայտնել է հայոց լեզվի և գրականության մասնագետ Սաթենիկ Նահապետյանը։

Հայկական դպրոցների տնօրեններն ասում են, թե 10-րդ և 11-րդ դասարաններում չեն կարող դասաժամերը փոխել, քանի որ վրացերենի, Վրաստանի աշխարհագրության, պատմության, մարզումների դասաժամերը փոխելու իրավունք չունեն, իսկ մյուս առարկաներից աշակերտները քննություն են հանձնելու։

Վրաստանի կրթության և գիտության նախարարությունը հայկական դպրոցներում վերջին անգամ հայոց լեզվի և գրականության դասաժամերը կրճատել էր 2012 թ․-ին։

 

Աղբյուրը՝ «Զարթօնք» թերթ

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆԸ

ՍՈՑԻԱԼԻԶՄ .AM

 

Հայաստանի Հանրապետություն
ք. Երևան,
(+37410)
E-mail: info@socialism.am

Բոլոր իրավունքները պաշտպանված են: Մեջբերումներ անելիս հղումը socialism.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց socialism.am-ին հղման արգելվում է: Գովազդների բովանդակության և մամուլի տեսության համար կայքը պատասխանատվություն չի կրում: